Македонија со пет победи од шест меча се пласираше на Европското првенство, Кире Лазаров беше селектор на последните четири дуели а еден од нив беше и мечот со Данска кој го добивме во Скопје.
Денеска на Швајцарија и беше доволен и бод за пласман на ЕП, но не дојдоа до него. А Лазаров вели дека изјавите на Швајцарците дополнително го мотивирале.
„Ме изнервираа изјавите на Швајцарците пред натпреварот, кога кажаа дека биле блиску со Данска, но очигледно заборавија дека ние ја победивме Данска и дека треба повеќе да покажат почит кон нас“, вели Лазаров.
Последните секунди од мечот беа болни за противникот, надежта за победа веќе ја немаше, а по голот на гостите за 29-28, Лазаров повика тајм-аут што предизвик револт на другата страна.
Кире им го покажа местото и бурно изреагира, како никогаш до сега: Што сакаш, што сакаш бе ти? Беа зборовите на Лазаров, а потоа следеше договорот со ракометарите.
