Видно вознемирен и нервозен вака може единствено да се опиште денешниот настап на адвокатот на Бојан Јовановски, Сашо Дуковски при изјавата пред обвинителството откако Боки 13 поднесе низа кривични пријави против за јавноста непознати сторители.
На прашање на Инфомакс, Дуковски одговори дека не може да даде одговор против кого се Јовановски поднел кривични пријави, но истакна дека за кривичните пријави е известен и меѓународниот фактор во Македонија.
-Ви реков дека не можам да ви кажувам против кого се, сега сме во фаза на поднесување на кривина пријава. Противзаконито би било да ви кажувам, повеќе лица. Најмалку 30 лица и поради сериозноста на наводите во кривичните пријави од страна на пријавителот беше побарано непосредно вклучување на најрелевантните меѓународни институции за заштита на човековите права особено на најрелевантните светски амбасади кои што имаат дипломатско конзуларни претставништва во Република Македонија поради содржината на тоа што се изјавува, вели Дуковски.
Како што поминуваше времето, нервозата кај Дуковски растеше па тој навлезе и во директна конфронтација со новинарите.
Претходно од страна на Дуковски јавноста беше информирана на негова и на адреса на неговиот клиент Бојан Јовановски пристигнале закани од непознат сторител. Расправијата на Дуковски со новинарите есклаираше откако тој беше запрашан дали помеѓу лицата за кои се поднесени кривични пријави има политичари.
Заканите по животот на Дуковски и Јовановски притсигнаа откако Боки 13 во судот пред новинарите изјави дека парите од рекетот во Македонија завршиле кај Зоран и Вице Заеви.
Во однос на претходната изјава на неговиот клиент, Дуковски посочи:
-Ете повторно сега, ајде видете ја снимката дали вели парите од рекетот за тој предмет или парите од рекетот во Македонија. Тоа што го мислеше Јовановски го кажа.
„Ако ме убијат, доказите против Заев се кај мојата мајка – им изјавил Бојан Јовановски на полицајците“ кога го привеле, објавува српски Курир на насловната страница.
Понатаму медиумот на насловната страница пренесува како Боки 13 се заканувал.
Ако ме обесите и тоа се обидете да го претставите како самоубиство, ако овде ме тепате, мачите, заплашувате, убаво сега во кажувам, да не биде после дека не сте знаеле, никој нема да биде поштеден, стои во насловната страница на српски Курир изјава од Бојан Јовановски
