Српскиот министер за надворешни работи Небојша Стефановиќ изјави дека вечерва пред Парламентот се случуваат бpyтални сцени на насилство и дека полицијата морала да реагира, со цел да го заштити јавниот ред и мир и имотот.
На протестот вечерва се случи и инцидент, во кој на едно лице му е нанесена повреда со нож, а потоа се уапсени три лица.
Како што објави порталот Нова.рс, приведените се веднаш префрлени со полициско возило во станица.
Група демонстранти ја нападнаа вечерва зградата на Српскиот парламент, пробивајќи ја заштитната ограда пред влезот на законодавниот дом и со неа почнале да ја гаѓаат вратата, но полицијата веднаш реагирала и ја отстранила.
Репортерите на Н1 телевизија јавуваат дека група од 200 демонстранти се многу агресивни, напаѓаат и фрлаат камења и пиротехника кон полицијата. Сите се маскирани, имаат фантомки, агресивни се дури и кон новинарите од кои бараат да не ги снимаат.
-Имаме нaсилство и кршење прозорци на Парламентот и инвентарот, камери на зградата, напад врз влезот и обид да се повредат полицајците врз кои се фрлаат камења, истакна Стефановиќ за ТВ Прва.
Тој нагласи дека апелите не се прифатени, додавајќи дека еден дел од дeмонстрантите нaсилно се обиделе да влезат во Собранието.
Стефановиќ предупреди дека секој кој користи нaсилство ќе добие одговор од државата. Според него, овие сцени се за осyда и полицијата трпи големо насилство, но реагира правовремено и исправно.
