Возач на камион од Србија создаде вистински сообраќаен хаос во Истанбул, во делот на градот познат како Ускудар. Навигацијата по грешка го однесе неговиот камион во тесни улички низ кои не можеше да помине и каде заглави.
Камионот навлезе низ тесните улички во Истанбул во овој стар дел на градот од анадолската страна на Босфорот. Сепак, тој заглави на еден свиок, не можеше да оди напред и назад заради долгата приколка, пишува турскиот „Хуријет“.
Додека маневрирал, камионот предизвикал помали штети во околните продавници, а минувачите повикале полиција.
Бидејќи немаше шанса камионот да излезе од тесните улички, неговата приколка се одвои, па камионот отиде сам.
Сепак, приколката продолжи да ги блокира улиците и беше отстранета по неколку часа со специјални машини.
