Во деновите кога сите бараат конзумирање на полесна храна со оглед на температурите кои ги имаме надвор ви нудиме превкусен рецепт за летна манџа која се прави брзо и лесно.
Состојки:
5 зелени пиперки
300 гр домати
3 јајца
100 гр сирење
малку масло за пржење
по желба магдонос
Подготовка:
Исчистете ги пиперките од семето и исечкајте ги на коцки, ставете ги во тава на загреано масло да се пржат, а кога ќе ја променат бојата, додадете ги излупените и исечкани домати. Пржете додека парчињата домати не се растопат и додека не се згусни убаво нивната течност. Потоа изматете ги јајцата, пржете на тивко, кога се готови јајцата додадете го и сирењето искршено. За повеќе луѓе само дуплирајте ги состојките.