Билбордите платени со народни пари, на кои владата лепи најразлични пораки и ветувања кои треба да се остварат откако Македонија наводно ќе влезе во ЕУ, предизвикаа лавина реакции кај јавноста, особено поради нереалноста и лажната перцепција која се создава за континенталната организација
Меѓу најконтроверзните е онаа за „бесплатно здравство“ во Европската Унија. Имено, фактичката состојба во ЕУ во врска со здравственото осигурување е тотално различна. Земјите членки на ЕУ речиси целосно го имаат приватизирано здравството, а големината и квалитетот на здравствената услуга која го добиваат граѓаните зависи од висината на осигурувањето изразено во пари.
Оттаму, здравството никогаш не било, ниту е бесплатно во унијата. Впрочем, класичен пример дека здравството во ЕУ е драстично поскапо од она во Македонија е и примерот со Грција, од каде илјадници Грци секоја година ги користат услугите на македонските заболекари, за неколкукратно пониски цени.
Коментираше и професорот Арсим Зеколи, кој на Твитер објави фотографија од автобусот на движењето „Брегзит“, со коментар дека и двете кампањи, онаа во Велика Британија и оваа во Македонија се засновани на лаги.
EU propaganda built on lies has Brexit foundations. pic.twitter.com/hMCToWBlPk
— Arsim Zekolli (@ArsZek) September 10, 2018