ВМРО-ДПМНЕ: Бараме техничка влада, претседател на ДИК, па предвремени избори

Поврзано

- Advertisement -
- Advertisement -

Од ВМРО-ДПМНЕ велат дека Република Македонија нема иднина додека е СДСМ на власт.

Една година СДСМ, една година лаги и манипулации. Државата е во заложништво на Заев и неговиот картел. Граѓаните одлучно и решително излегоа и се спротивставија на криминалите на оваа власт предводена од Зоран Заев, реагираат од ВМРО-ДПМНЕ.

-Пораката што ја испратија граѓаните беше повеќе од јасна. Доста беше уривање на достоинството и продажба на државните и националните интереси. Граѓаните гласно кажаа НЕ за злоупотребата на институциите, нарачаните политички прогони, економската стагнација, осиромашувањето од страна на картелот на власт. Се она што го ветуваше СДСМ го излажа. Нема 500 евра плата, нема 100.000 денари плата за лекарите, нема поврат на 15% ДДВ, нема социјална помош од 12.000 денари, бесплатно болничко лекување, и нема 600 километри нов автопат и 550 километри магистрални патишта. Една година се на власт, а ништо не успеаја да направат. Единствено што го направија е тоа што го зголемија јавниот долг над 5 милијарди евра, а ја зголемија и акцизата на дизелот со што граѓаните дополнително осиромашуваат, се наведува во соопштението на партијата.

Од ВМРО-ДПМНЕ велат дека Република Македонија нема иднина додека е СДСМ на власт.

-Државата мора да се врати на вистинскиот пат. Граѓаните заслужуваат просперитетна иднина, квалитетен живот и сигурна и безбедна иднина за нив и за нивните деца. Време е да се стави крај на криминалните политики на Зоран Заев и картелот. Токму затоа ВМРО-ДПМНЕ бара предвремени избори заедно со претседателските, техничка влада 100 дена пред избори и претседател на ДИК по предлог на опозицијата. Само така ќе се креираат еднакви услови за фер избори. Република Македонија заслужува подобро. Граѓаните заслужуваат подобро, порачуваат од ВМРО-ДПМНЕ.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This