Во Германија peкopдeн бpoј нa пoчинaти oд Koвид-19 зa 24 чaca

Поврзано

- Advertisement -
- Advertisement -

Во Германија, повеќе од еден милион луѓе се заразени од почетокот на пандемијата, а дневниот биланс на смртни случаи достигна рекордна бројка од 426, според податоците на Институтот Роберт Кох објавени денеска.

Бројките покажуваат дека Германија, во најдобар случај, го задржува стабилен боројот на нови инфекции, но дека тоа не е доволно за да се ублажат мерките и да се елиминира ризикот од пренатрупани болници.

Бројот на потврдени случаи на коронавирус се зголеми за 22.806 на 1.006.394. Бројот на смртни случаи поврзани со коронавирус за 24 часа се зголеми за рекордни 426, на вкупно 15.586.

Баровите, рестораните, театрите и фитнес-салите се затворени, но училиштата и продавниците остануваат отворени. Од 1 декември приватните собири ќе бидат ограничени на пет лица, од сегашните 10.

За време на Божиќ, тој број повторно ќе се искачи на 10 лица во повеќето сојузни покраини, а во тоа нема да се вбројуваат децата на возраст под 14 години, иако семејствата се повикуваат да избегнуваат социјален контакт една недела пред посетата.

Главниот град Берлин, еден од најтешко погодените во Германија, соопшти дека нема да ги намали ограничувањата за време на божиќните празници.

Германската канцеларка, Ангела Меркел, ги повика граѓаните да останат трпеливи поради ограничувањата што се во сила со цел да се забави ширењето на коронавирусот, проценувајќи дека светлото на крајот од тунелот ќе пристигне заедно со вакцините.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This