- Advertisement -
- Advertisement -
Претседателот на ВМРО-ДПМНЕ, Никола Груевски ќе присуствува на завршницата од ракометната Лига на шампиони, популарниот „Фајнл фор“ кој викендов ќе се одржи во германскиот град Келн.
Груевски ќе биде дел големиот број Македонци кои викендов се упатија кон Келн, со цел да го бодрат македонскиот шампион Вардар, кој има историска можност да се закити се европската круна и да се искачи на врвот на ракометна Европа.
Откако испиша историја и стана првиот македонски машки клуб кој се пласирал на ракометниот фајнл-фор турнир од Лигата на шампионите, Вардар денеска го почнува настапот на најголемата ракометна клупска смотра во Келн.
Противник на Вардар денеска во полуфиналето е силната Барселона која е благ фаворит на денешниот меч, но Вардарци знаат дека ако одиграат на највисоко ниво, без респект кон противникот, со цврста одбрана и ефикасен напад можат да дојдат до големото финале.
