Силен ветер и дожд вчера попладне ја зафати територијата на Скопје, при што настанаа и проблеми на одредени делови од градот.
Автопатот Тетово-Скопје беше во прекин веднаш по невремето, а исто така паднати се повеќе суви дрвја, кои направија штета и на неколку автомобили. За ова се огласија и од ЈКП Гази Баба, кои посочија дека веднаш е реагирано и сегде каде што има проблем, истиот да се пријави.
-Во текот на вчерашниот ден а како последици од невремето со дожд и ветар на територија на Општина Гази Баба, добивме повик дека во населба Автокоманда има паднато неколку суви дрвја по кои што ЈКП “Гази Баба 2007” веднаш реагираше и истите навремено ги одстрани.
По половина час врнежи од дожд, улиците на Чаир се поплавија, а некои граѓани извадија трски за риболов.
На многу групи и страници на социјалните мрежи се објавија снимки каде се гледа како дождот создава поплави, а граѓаните обвинуваат дека главни причини се изградбата на улиците и канализациите.
https://www.facebook.com/shkupjant/videos/294604018252797/
