ДОКАЗ ДЕКА КИНЕЗИТЕ ЖИВЕАТ ВО ИДНИНАТА: Кина работи на 6-Г додека остатокот од светот тестира 5-Г технологија

- Advertisement -

Кина започна истражувања околу мобилниот интернет од шестата генерација – 6-Г. Имено, кинеското Министерство за наука и технологија синоќа соопшти дека е основана и работната група што ќ́е работи на новата технологија.

„Работната група ја сочинуваат 37 стручни лица од повеќе истражувачки институти и компании. Ова го означува официјалното отпочнување на истражувањата и развојот на 6Г технологијата“, се наведува на интернет-страницата на Министерството.

Периодов, инаку, Кина ја воведе 5-Г технологијата што овозможува 100 пати побрз проток на податоци од постојните 4-Г мрежи.

Кинеската компанија Хуавеј, која се смета за водечка во светот во поглед на 5-Г, исто така, е вклучена во истражувањата околу 6-Г.