Претседателот на Србија, Александар Вучиќ порача дека земјата останува на европскиот пат, но дека нема да оди пpoтив сојузниците и оние кои и помогнале за време на пандемијата.
Ние ќе се држиме до нашата слобода и независност, ќе работиме и со Кина и со Русија. Ние правиме се што е можно за да го зајакнеме нашиот европски пат, без оглед на фактот дека тој веќе не зависи само од нас, ниту од реформите и од сè друго, зависи од ситуацијата во Европската унија плус сè она што мора да го направиме. Но, мора да го зајакнеме нашиот однос со САД, со Кина која се покажа како искрен пријател во претходниот период и со Русија од која отсекогаш сме имале поддршка во смисла на зачувување на нашиот територијален интегритет. Важно е Србија да разбере добро што се случува во светот, затоа што работите се менуваат со драматична брзина – истакна Вучиќ на отворањето на панелот „Светот по короната“ во рамки на иницијативата на Белградскиот стратешки дијалог.
Говорејќи за Косово, Вучиќ порача дека сите мислат дека имаат право да зборуваат за решение.
Нема кој се не ни одржа лекција за потенцијалното и можно решение на „косовскиот јазол“. Бидејќи секој од нив е веројатно повеќе заинтересиран од Србите и Албанците, секој од нив мисли дека има повеќе права, секој од нив мисли дека ние сме незрели луѓе на кои треба да им се објасни какво треба да биде решението – изјави Вучиќ.
Според него, Србија ќе работи на зајакнување на нејзината пазарна позиција и натамошно зајакнување на економијата и економското влијание во регионот и на тој начин може да им помогне на Србите кои живеат надвор од границите на Србија.
