Преспанскиот договор потпишан меѓу Грција и Македонија е историски чекор во надворешната политика на грчката Влада, и тој треба да се почитува од сите идни администрации, изјави германскиот заменик министер за надворешни работи, Михале Рот, пренесе „Катимерини“.
Според него договорот донел стабилност во регионот. Германскиот дипломат ова го изјавил за време на брифингот со странски дописници во министерството, по повикот за предвремени избори од страна на грчкиот премиер Алексис Ципрас откако неговата партија Сириза беше пopазена на вчерашните европски избори.
Конечно веруваме дека секоја Влада што ќе следи во Грција ќе се соочи со своите одговорности во служба на мирот, помиpyвањето и стабилнocта во регионот порача Рот, појаснувајќи дека неговиот оптимизам не е врзан за кој било конкретен исход од идните избори во земјата.
