Летото не е резервирано само за излежување на плажа и пиење коктели, туку и за пливање, сурфање, нуркање и бројни други активности покрај морето.
Затоа дамите внимателно ги следат модните трендови и долго размислуваат за каков костим за капење ќе се одлучат.
Меѓутоа, новиот летен тренд нема да им се допадне на припадничките на понежниот пол, а веројатно ниту на мажите. Овој тренд станува сè попопуларен, а се работи за костим за капење со влакна односно со слики од машки влакнести торза.
Компанијата „Beloved Shirts“ го претстави ваквиот костим минатото лето, а и тогаш предвидуваа дека ќе стане хит во летната сезона 2021 година.
Овој костим за капење доаѓа во разни нијанси така што ќе можете да го пронајдете оној кој му одговара на вашиот тен, а за да си го дозволите ова лудо парче, ќе мора да издвоите околу 40 евра.
