Владиниот пиар работи и кога не работи. Иако не му е работа да не засмејува за наши пари, ете, и тоа го работи. Поранешниот новинар, а сега раководител на тимот за комуникации, отчетност и транспарентност во Министерството за пропаганда на Роберт Поповски, Зоран Бојаровски, денеска си го спореди шефот со српскиот тенисер Новак Ѓоковиќ, кој се враќа на тениската сцена по падот во кариерата и го освои Вимблдон.
Паралелата е нејасна, но не се сомневаме дека владиниот пиар во најскоро време ќе ни објасни како тоа Заев е македонскиот Ѓоковиќ. Кога бил на врвот на кариерата, па паднал и еве сега се издигнува бакнувајќи го пенкалото на Столтенберг.