Држава не се води со слободно и неовластено толкување на Уставот и законите на Република Македонија, порача претседателот на Република Македонија, Ѓорге Иванов, кој во денешното обраќање до нацијата оцени дека на вчерашниот референдум народот го отфрли Преспанскиот договор.
-Oчекувам набљудувачката мисија на ОБСЕ/ОДИХР сериозно да ги земе предвид приговорите околу нерегуларностите на одредени избирачки места. А на оние кои се мешаат во внатрешните работи на Република Македонија и непринципиелно заземаат страна им порачувам да ги почитуваат меѓународните конвенции за дипломатски односи. Не може оние кои имаат демократски дефицит да наметнуваат решенија спротивни на суверената волја на македонскиот народ, рече претседателот Иванов во обраќањето по вчерашниот референдум.
