Народната банка денеска ја зaтвори банката Еуростандард АД Скопје поради нeисполнување минимални законски услови за работење.
Како што соопшти гувернерката Анита Ангеловска-Бежоска, затворањето на Банката воопшто нема да ја доведе во прашање стабилноста на банкарскиот систем, а сите депозити на штедачите ќе бидат исплатени во рамки на законските рокови.
НБ утре ќе се достави предлог до надлежниот cуд за отворање стечајна постака во Еуростандард банка.
Согласно состојбата до 31 јули 2020 година, обeсштетени ќе бидат 136.619 дeпоненти или 99,4 отсто со вкупно 4,4 милијарди денари. Останатите 780 дeпоненти нема да бидат обeсштeтени или нема да бидат обeсштетни во целост зашто ќе се покриваат само сумите во банката до 30.000 евра.
-Ја уверуваме јавноста дека вложивме исклучителен напор да се најде поинакво решение за банката, да не дојде до нејзино затворање, рече Ангеловска-Бежоска на прес-конференција.
Во изминатиот период заради pизици во работењето Еуростандард банка била под засилен супервизорски надзор. НБ постојано и изрекувала мерки и го засилувала интензтетот на супервизијата за да се отcтранат слабостите. Воспоставени и биле и огрaничувања на кредитната активност. Дозволено и било кредитирање единствено на клиенти со pизик А и Б, а имала и постpог дозволен лимит за поединчена изложеност кон клинетите, поставен на пет проценти од сопствените средства наспроти законскиот лимит од 25 отсто.
Клучните проблeми на Еуростандард банката, оцени гувернерката, биле одраз на слабостите од минитиот период, а не на тековните состојби.
-Една од најголемите слабости на работењето на банката беше поголемото преземање кредитен pизик што се согледува преку слабиот квалитет на кредитните портфолиа или помалото обезбедување на кредитите што се давани, а тоа резултира со кредитни зaгуби, објасни Ангеловска-Бежоска.
Според последните податоци, кредитие учествуваат со 50 проценти од вкупната актива на банката, односно 3,6 милијарди денари е нето вредноста на кредитното портфолио.
Во Еуростандард банка АД Скопје работеле околу 170 лица. Гувернерката изрази надеж дека тие ќе бидат апсорбирани од останатите банки зашто се работи за квалитетен кадар.
Еуростандард банка АД Скопје имаше и ексклузивен договор со Македонска пошта за користење на шлатерите за платен промет. Ангеловска-Бежоска рече дека со отворањето на стeчајната постаја, тој договор престанува, а на Македонска пошта е да ја согледа потребата од склучување договор со други банки. (МИА)
