Коронавирус во австриската Влада, еден од вработените позитивен на смртоносната болeст

- Advertisement -

Австриските власти соопштија дека еден од вработените во владата е позитивен на ковид-19, но тој не работел непосредно со канцеларот Себастијан Курц.

Од Владата соопштија дека сите кои работеле со лицето позитивно на коронавирусот се негативни и дека нивната работа не е загрозена.

Курц редовно се тестира за ковид-19, пренесуваат странските агенции.

Одговорот на Австрија на пандемијата се смета за релативно успешен, а неодамна, по растот на бројот на заболени беа заострени правилата за носење маска.

Според податоците на Универзитетот Џонс Хопкинс, во Австрија од почетокот на пандемијата починале 718 лица.