- Advertisement -
Виктор Мизо, директорот на ТИРЗ на гостувањето во вестите на ТВ АЛФА направи анализа за работа на влада на ВМРО-ДПМНЕ во врска со привлекувањето на странските инвестиции.
Во изминатите 10 години многу е сработено во процесот на привлекување на странски инвестиции, но треба да се каже од каде почнавме. Пред 10 години Mакедонија ја немаше на инвестиционата глобална мапа, потенцираше Виктор Мизо.
Според Мизо потребна беше да се направи брендирање и креирање на имиџ на државата отворена за инвестирање и земја каде што се вршеа реформи во областа на бизнис клима, поедноставување на голем број на процедури намалување на бирократските трошоци, и се што треба за да се направи атрактивна дестинација за странски инвестиции. Сето ова беше во услови на голема економска и финансиска криза.
Во 2006 година кога започнавме во ТИРЗ немаше ниедна инвестиција. Сега имаме 25 компании кои се корисници, повеќето од нив работат, а некои се уште се градат. Во нив има 9000 вработени, а до крај на годинава се очекува да стигне над 10 000 вработени. Вкупно во сите странски компании бројот на вработени е над 20000.
Минатата година само од слободните економски зони сочинуваа 40 посто од извозот на државата, во месец мај го имавме рекордот околу 190 милјони евра беа извезени, а ако продолжиме вака ќе имаме извоз од 2 милјарди евра.
Мизо појасни дека освен новите отворени места, многу важно е тоа што добиваме знаење, вештини, „ноу хао“ овие странски компании носат во Македонија и менаџерски размислувања, обука на луѓе и сертифицирање за домашни компании но и менување на менталитет на работа. Тоа не се учи на факултет, за тоа е потребна пракса.
Во врска со новата фабрика Мизо изјави дека во Македонија „Адиен“ ќе има 3500 вработени што значи 1700 нови во Струмица, покрај веќе постоечките 1800 во Штип. Има многу компании кои имаат направено резервации во ТИРЗ кои ги планираат своите инвестиции и овој процес продолжува понатаму.
На крај Мизо порача дека процесот на привлекување на странски инвестиции е долгорочен. Со Џонсон Контрол односно Адиен приказната започна пред 6 години. овие компании размислуваат на долг рок. Не може за 3 или 6 месеци да привлечете нова компанија. тој процес продолжува. Новата влада ќе треба активно да работи бидејќи контактите на компаниите се врзани со земјата и ако условите се добри они ќе продолжат да реинвестираат.
- Advertisement -
