МЕРКИТЕ ЌЕ ВАЖАТ И НАРЕДНАТА ГОДИНА?: Филипче порача граѓаните да се навикнат на маските и држењето растојание

- Advertisement -

Министерот за здравство, Венко Филипче во вечерашното гостување на телевизија Телма прeдупреди дека граѓаните уште долго време ќе мора да живеат со мерките за заштита од корона вирусот.

-Ова ќе трае. Нема да прекине ни до крај на годината, ни до почетокот на наредната. Има предвидувања дека дури и после вакцината ваквата состојба со корона вирусот ќе продолжи. Некои најнови предвидувања велат дека ќе трае и до 2022 година. Предвидувања од еминентни медицински списанија. Мора да научиме дека треба да живееме носејќи маска и држење дистанца, вели Филипче.