Милошоски: Heфyнкциoнaлнocтa нa eлeктpoнcкиoт cиcтeм зa пoпишyвaњe e дokaз дeкa пoпиcoт e coмнитeлeн, диpeктopoт нa ДЗС тpeбa дa cнocи kpивичнa oдгoвopнopcт

Поврзано

- Advertisement -
- Advertisement -

По однос на нефункционалноста на електронскиот систем за попишување, сметаме дека тоа е само еден показател колку овој попис ќе биде неверодостоен и колку власта не е спремна да го спроведе овој попис, изјави пратеникот и член на ИК на ВМРО-ДПМНЕ, Антонијо Милошоски одговарајќи на новинарско прашање за објавите дека постои можност од Македонија да се попишете исто како да престојувате во странство.

Милошоски истакна дека директната кривична одговорност е кај директорот на заводот за статистика и го повика да не се заканува на граѓани, туку да ја понесе одговорноста за пропустот во системот.

– Нашата порака до директорот на заводот за статистика, Апостол Симовски е да не се заканува со затворски казни кон граѓаните, туку самиот да размисли според Законот за попис член 41, директорот е лично одговорен и кривично одговорен за нефункционалноста на системот или за пробивањето на системот, рече Милошоски.

Тој додаде дека испаѓа дека овој нефункционален систем којшто видовме дека граѓани успале да го пробијат не е вина на граѓаните, туку е вина на самиот директор што потрошил државни пари.

– Имаме неефикасен систем, којшто ќе даде неверодостојни податоци, а кривичната одговорност за таквиот неефикасен систем е лично кај директорот на заводот за статистика. Ова е уште еден показател дека пописот е многу сомнителен и дека податоците од истиот нема да бидат веродостојни, нагласи Милошоски.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This