Илјадници граѓани на денешниот протестен собир во одбрана на името побараа оставка од премиерот Зоран Заев поради политиката која ја води во спорот за името со јужниот сосед Грција. Со пароли „Проклет да бидеш предавник на Македонија“ тие скандираа „оставка, оставка“.
Протестот е во организација на движењето „Нашето име е наше право“.
На протестот се изразува незадоволство од, како што пишува во најавата, политиките што ги загрозуваат националните интереси на македонскиот народ.
Движењето „Ние сме Македонија” започна во јануари со симболичен собир пред македонската амбасада во Вашингтон каде за првпат беше објавена декларација со која што се бара итен прекин на разговорите за името и поднесување резолуцијата во Генералното собрание на ОН за признавање на уставното име на Република Македонија.
