На 04.05.2021 година во 08.15 часот во Полициска станица Струмица било пријавено дека во село Вељуса, струмичко Н.К. бил нападнат со остар предмет од страна на Д.Г. од истото село, информираат од СВР Струмица.
Напаѓачот дозволил да биде извлечено повреденото лице кое во моментов се наоѓа во болница, надвор од животна опасност.
Нападот се случил откако веќе подолг период постоела меѓусоседска кавга која ескалирала со физички напад со ладно оружје, по што нападнатото лице завршило со неколку убоди од нож.
Полицијата веќе неколку часа е пред домот на напаѓачот кој е заклучен и не дозволува да биде уапсен, а кај себе има големо количество на ладно оружје, ножеви и секири.
Во акцијата се вклучени и пожарникарски екипи, а и голем број специјалци вклучени во акција за апсење на вооружениот Д.Г.
