March 29, 2024, 12:50 pm

НOВ ПOТEHЦИЈAЛЕН JAЗИK НА WINDOWS: Microsoft рaзвивa нoв пpoгpaмски jaзик, дизajниpaн за coздaвaњe на aпликaции

Поврзано

- Advertisement -
- Advertisement -

Microsoft развива нов програмски јазик, дизајниран за создавање на апликации, кои не се склони кон најчестите бeзбeднocни пpoблeми. Проектот, познат како Verona, се заснова на јазикот Rust, создаден од Mozilla – девелоперот на Firefox, објави ZDNet.

Клучна разлика помеѓу Verona и Rust е во тоа што јазикот на Microsoft користи модел на сопственост, базиран на групи одобјекти, а не на единечни објекти. Се очекува изворниот код за тековниот развој да биде отворен под бесплатната лиценца Apache 2.0.. Складиштето на проектот веќе се појави на платформата Github, која Microsoft ја стекна во 2018 година, но засега е празно.

Се тврди дека Microsoft исто така може да преработи некои од компонентите на ниско ниво на Windows 10, користејќи го модифицираниот Rust јазик, за да ги отстрани потенцијалните пpoблeми што се појавуваат при користење на јазиците C и C ++.

Со децении, C и C ++ се користат како универзална алатка за развој на софтвер. Но, тие му ја доверуваат на програмерот задачата да управува со RAM меморијата, што неизбежно води до грешки – на пример, пристап до дел од меморијата по нејзиното ослободување или пречекорување на баферот.

Според Мет Милер, специјалист за бeзбeднocт во Microsoft, околу 70% од сите пропусти откриени во корпоративни софтверски производи во последните 12 години се поврзани со грешки во управувањето со меморијата.

За разлика од C и C ++, во јазикот на Rust, како и во Verona, се наметнува механизам за автоматско управување со меморијата, базиран на принципот на сопcтвеност, што ја елиминира потребата програмерот рачно да манипулира со меморијата, а со тоа да ја намали веројатноста за грешки.

Исто така, вреди да се напомене дека заради продуктивност, Rust не користи т.н. Garbage Collector (GC), чии задачи вклучуваат автоматско бришење на предмети што веќе не се потребни на програмата.

Microsoft започна да експериментира со Rust во летото 2019 година. Се појави информација дека компанијата ќе преработи некои од своите производи користејќи го овој програмски јазик.

Во почетокот на ноември 2019 година, Адам Бирч, развивач на „Hyper-V,“, на корпоративниот блог напиша дека има за задача да преработи компонента на ниско ниво во Windows на Rust. Според него, и покрај нецелосноста на проектот, искуството за користење на Rust се покажа како генерално позитивно.

Бирч, исто така, забележува дека нема да биде тешко движењето кон Rust на базата на кодови на нови компоненти, како и постојните, но со „чисти интерфејси“. Во исто време, Бирч го потенцира недостатокот на некои одлики на овој јазик во споредба со познатиот C, но верува дека Microsoft ќе ги додаде.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This