Кога потпретседателот на ВМРО-ДПМНЕ Александар Николоски вели дека Вице Заев станува „главен бизнис фактор играч во државата“ е сосема во право, смета новинарот Сашо Орданоски.
Орданоски коментирајќи ја империјата на Заеви, за Плусинфо, пишува дека Николоски бил сосема во право со таа констатација, па погрешно е тоа што Вице Заев одлучил да го тужи за клевета. Тој предлага Заеви или да „замрзнат“ некои бизниси кои се поврзани со државата или да се откажат од истите.
– На пример, што им треба вложување во бизнисот со одгледување марихуана, дејност која би требала да е високорегулирана и предмет на арбитрарни државни контроли? Во успехот на таа дејност однесувањето на власта е покритично отколку во производството на ајвар или тули. – пишува Орданоски.
Тој го пофали последното истражување на Фокус за бизнис империјата на Заеви и напиша дека кога правеле слични сопственички шеми на испреплетени бизниси, тогаш државата му ја „сплете“ и деловната „пајажина“ на Рамковски, а деловните зафати на Мијалкови и Камчеви сеуште течат на суд.
