По стапките на татка си: Синот на Гадафи сака да се кандидира за претседател на Либија

- Advertisement -

Синот на поранешниот претседател на Либија, Моамер Гадафи, Саид ал-Ислам Гадафи, планира да се врати во јавниот живот и да се кандидира за претседател.

Саиф ал-Ислам Гадафи, кого претходно го гледале како наследник на својот татко на местото претседател, не се појавил во јавност откако бил виден пред десет години во либиска пустина, пишува „Times“.

Весникот наведува дека Саиф се обидувал да дојде до западни и други дипломати за тие да го потврдат неговиот идентитет, по што би се вратил во јавниот живот.

Планот му е да се кандидира на претседателските избори на 24-ти декември, но неговите соработници велат дека сегашната номинација би била прерана.