Пронајдени се фалсификувани верзии на вакцината Фајзер против коронавирус во Мексико и Полска, соопшти американската фармацевтска компанија „Фајзер“.
Властите во двете земји ги заплениле дозите и со тестирање потврдиле дека се лажни.
Вакцините пронајдени во Мексико имале лажни етикети, додека тие од Полска содржеле средства против брчки наместо вакцини, пишува Би-Би-Си.
Приближно 80 лица на клиника во Мексико добиле лажна верзија на вакцината што не е опасна по здравјето, но не обезбедува заштита од коронавирус. Полските власти пак, соопштија дека откриле лажни дози во стан на осомничен и дека никој досега не ја примил лажната вакцина.
Неколку лица се уапсени за лажните вакцини.