Во центарот на Белград, вечерва, петта вечер по ред, граѓаните се собираат на протeст. Граѓаните се собраа и во другите градови во Србија. Состојбата засега е мирна.
Новинарите на лице место известуваат дека значително помалку луѓе се собрале пред Националното собрание нешто пред 20 часот од вчера во исто време. Доаѓаат претежно помлади луѓе, семејства и велосипедисти.
Тимот на РТС видел дека полицијата со цивилна облека уапсила еден млад човек и го одвела во правец на улицата Косовска.
Нема полициски сили, но неколку единици се опремени со опрема за рушење на демонстрациите зад Собранието. Исто така, има и коњаница.
Сообраќајот е затворен пред Собранието на булеварот кралот Александар.
Освен Белград, протести има и во другите градови во Србија.
Во Крушевац, демонстрантите одговорија на повикот направен преку социјалните медиуми во центарот на градот, во близина на споменикот на косовските херои.
Граѓаните се собраа и во Нови Сад.
Во Чашак, на протестот беше поставена кутија за собирање помош за болницата во тој град.
Патем, синоќешниот собир во Белград се претвори во немири кога група демонстранти фрлаа со камења, факели и петарди пред српскиот парламент. Полицијата неколку пати ги туркаше.
Првиот протест се одржа во вторникот вечерта, по обраќањето на претседателот Вучиќ и најавата за воведување на полициски час во Белград за викендот. Иако протестот започна мирно, во текот на вечерта имаше немири, фрлање солзавец и провалување во Собранието.
Слично сценарио се виде на вториот ден од протестот, во средата, кога имаше судир меѓу полицијата и демонстрантите.
