Европската радио-телевизиска унија потврди дека 66-то издание на изборот за песна на Евровизија ќе се одржи во салата Пала Алпитур во Торино.
Официјалната страница на Евровизија на Инстаграм објави дека натпреварот ќе се одржи од 10 до 14 мај 2022 година.
„Среќни сме што го објавуваме Торино како домаќин на следното издание на Евровизија, меѓународен фестивал што го сака голема публика во секоја земја. Благодарение на прекрасната победа на Минескин, натпреварот се враќа во Италија по 31 година.
„Изборот не беше лесен поради многу високите предлози дадени од други градови, на кои им благодариме за нивното ентузијастичко учество.Денес, започнува возбудливо патување за Раи и Торино кое ќе не води до мај 2022 година. Тоа е голем предизвик за Раи и нашата земја”, рече извршниот директор на Раи, Карло Фуортес за италијанските медиуми.
Торино ќе биде третиот италијански град што ќе биде домаќин на Евровизија, по Неапол (1965) и Рим (1991).
Патем, градовите што се натпреваруваа со Торино за домаќин на Евросонг беа Болоња, Милано, Пезаро, Римини.
Групата Менескин победи на Евровизија оваа година и го донесе натпреварот во Италија.
