March 28, 2024, 11:42 pm

Русија ги пpekинува сите дипломатските односи со НАТО

Поврзано

- Advertisement -
- Advertisement -

Русија од следниот месец ќе ги прекине сите дипломатски односи со НАТО, соопшти Министерството за надворешни работи, предводено од Сергеј Лавров.

Москва најави дека целосно ќе ги прекине операциите на својата мисија во НАТО, две недели откако блокот предводен од САД протера осум руски дипломати поради наводна „неоткриена шпионажа“ во седиштето во Брисел.

Шефот на руската дипломатија Сергеј Лавров, исто така, откри дека информативното биро на НАТО во Москва ќе биде принудено да се затвори. Покрај тоа, акредитациите за претставниците на Алијансата ќе бидат одземени.

Новите правила наложуваат и да се прекине работата на информативното биро на НАТО, формирано во белгиската амбасада. Лавров нагласи дека Алијансата во иднина ќе треба да се обраќа до рускиот амбасадор во Белгија и тоа ќе биде единствениот начин НАТО да стапи во контакт со Москва.

Претходно овој месец, официјалните претставници на НАТО одлучија да го намалат бројот на членовите на делегацијата во блокот, одземајќи ги акредитациите на осум пратеници, како одговор на „сомнителните злонамерни руски активности“.

По одлуката на НАТО, портпаролката на руското Министерство за надворешни работи Марија Захарова предупреди дека Москва ќе подготви силен одговор.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This