Според првите извештаи, во ракетниот напад врз американската воена база во северен Ирак, едно лице загина, а петмина беа ранети, вклучувајќи и еден припадник на американските сили.
Американската коалиција во Ирак соопшти дека тоа е најтешкиот напад врз коалициските сили во понеделникот за скоро една година, поради ескалацијата на тензиите меѓу американските сили, нивните ирачки и курдски сојузници од една страна и ирачките милиции од друга страна, пренесува Ројтерс. Портпарол на коалицијата изјави дека имало напад врз коалициските сили во курдскиот град Ербил.
Курдски безбедносни извори соопштија дека најмалку три ракети погодиле област недалеку од меѓународниот аеродром во Ербил. Американските сили се наоѓаат во воена база веднаш до цивилниот аеродром. Групата на Сарај Авлаја ал-Дам ја презеде одговорноста за нападот. Американскиот државен секретар Ентони Блинкен изјави дека Соединетите држави се револтирани од нападот, пренесува Танјуг.