Повеќе од 20 цивили се убиени во бомбардирање спроведено од американските воздушни сили, кои со стратешкиот бомбардер Б-52 спроведувале акција во провинцијата Идлиб во Сирија на 3. јануари, изјавил Шефот на Рускиот Генералштаб Валериј Герасимов
Герасимов ја критикувал западната коалиција во Сирија поради неуспехот да постигнат „значајни резултати“ додавајќи дека „во исто време, има значителен број на жртви меѓу цивилното население и владините сили“.
„Како што знаеме, во септември минатата година, авијацијата на САД спроведе воздушен напад во Деир-ез-Зор во кој мета на нападот беше Сириската армија. По овој напад, ИСИС ја започна својата офанзива“, рекол Герасимов.
„Последниот пример за ваква акција е воздушниот напад на 3.јануари, кога бомбардер Б-52 – без предупредување до Руската страна – погодил цел во градот Сармада, Идлиб, кој е покриен со договорот за примирје. Преку 20 цивили се убиени како резултат на нападот“.
Герасимов не додал дополнителни детали.
