Изгубена е доверба државите го повлекуваат златото од САД. Тоа исто така може да биде вовед во нов финансиски поредок во кој доларот и Америка повеќе нема да имаат улога што досега ја имале.
Турција во текот на 2017 година го повлече целото злато од Федералната банка на САД, вкупно 28,7 тони. Турција е само последна во низата кои ја спроведоа истата мерка.
Само два дена претходно, Унгарија соопшти дека ќе го повлече своето злато вредно 130 милиони долари од банките во Лондон.
На почетокот на минатата година, германската Бундесбанк, три години пред предвиденото, врати назад во земјата 300 тони злато, кои со децении се чуваат во САД, а во август го повлече останатото злато од Париз односно 374 тони. Во исто време, 940 тони злато Германија повлече од Лондон.
Досега, Германците вратија 1.710 тони злато, или 50,6 проценти, на германска територија. Германските резерви на злато изнесуваат 3.378 тони, а вкупната вредност на германското злато е проценета на 120 милијарди евра. Поголеми резерви на злато има само САД со 8.133,5 тони.
Народната банка на Австрија претходно објави дека до крајот на годинава ќе врати 140 тони резерви на злато воземјата, што значи дека една половина од златото ќе се врати назад во земјата, две години пред планираното.
Минатата година само 17 проценти од австриските резервите на злато беа во земјата, а најголемиот дел, 80 проценти, беа во Велика Британија, додека три проценти во Швајцарија. Планот е да нема да има повеќе од 30 проценти во Лондон и 20 проценти во Цирих.
Холандија започна да го враќа злато уште во 2015 година, од кое една третина го чува во Холандија, а остатокот во поголемиот дел од Њујорк, но исто така и во Отава и Лондон.
Политиката на Русија и Кина во последниве години е да ги зголемуваат своите златни резерви. Во резервите на Централната банка на Руската Федерација, има 1.857 тони злато, а со кое Русија ја зазема петтата позиција во светот по резерви на злато, со што ја надмина Кина со 1.843 тони резерви на злато.
Русија почна активно да купува злато по воведување на санкции од западните земји во 2014 година. Пред десет години, уделот на злато во руските девизни резерви изнесуваше само три проценти, а сега е 17 проценти. Покрај тоа, Централната банка на Русија прифати да зачува околу 100 тони злато, во вредност од околу 3,5 милијарди американски долари во американскиот банкарски и финансиски гигант “Сити груп”.
Русија е најголемиот купувач на злато во светот, и го купува воглавно златото ископано на нејзина територија и е третиот најголем производител, а како што објави централната банка, стабилноста на резервите е една од главните причини зошто Русија купува злато. Особено во случај на санкции, секогаш постои страв дека имотот во странските банки може да биде замрзнат.
Централните банки на неколку земји почнаа брзо да ги повлекуваат своите резерви на злато од Федералната банка на САД во 2015 година. Од тогаш повеќе држави имаат повлечено 250 тони злато, а златните резерви, кои се чуваат во САД паднаа на 5,950 тони, на рекордно ниско ниво во последните две децении.
Слична ситуација се случи и последен пат пред почетокот на финансиската криза во 2008 година, кога странските централни банки повлекле околу 400 тони злато од Америка.
Турција, која, според проценките, има 565,6 тони злато во вредност од $ 20 милијарди долари, објасни ги повлекува резервите од САД поради влошувањето на односите меѓу Анкара и Вашингтон поради неколку регионални и билатерални прашања.
Централната банка на Унгарија пред неколку дена објасни дека своите златни резерви ги вратила во земјата, поради загриженоста во врска со геополитичката криза и дека ситуацијата е веќе толку жестока што е чувањето на злато надвор од земјата е премногу ризично. Златото, како што велат од страна на унгарската централна банка, е стратешка алатка која ја зголемува довербата кон земјата, и во странство и дома.
Германски аналитичари велат дека не е случајно што враќањето на германската злато се совпадна со “Брегзит” и одржувањето на избори во неколку земји на ЕУ, на кои партиите на евроскептиците си ги зацврстија позициите.
Без оглед на фактот дека денешните национални валути веќе не се врзани за злато, за вредноста на овој скапоцен метал луѓето и државите отсекогаш се потпирале кога сакале да го обезбедат својот имот.
Во случај на колапс на т.н. резервни валути, вклучувајќи го и американскиот долар, или распаѓањето на светскиот финансиски систем во серија на блокови на валути, како што се случи за време на големата криза на 30-тите години на минатиот век, злато ќе биде користено како универзална средство за плаќање, вели економистот Валентин Катаносов. И со оглед на фактот дека во последниве години се шири несигурност, и светот изгледа како минско поле, тоа може да доведе до зголемување на цените, не само злато, но, исто така, на нафтата, смета финансискиот експерт Ендру Хеч.
Најлошиот коментар за сето ова би бил: Го повлекуваат златото, ќе има војна, вели економистот на Спутник Даниел Цветичанин. На крајот на краиштата, Америка веќе покажа толку многу пати дека не отстапува од војната, бидејќи нема такво чувство за опасност. Практично нема војна која се одвивала на нивната територија и во двете светски тие биле вистински победници бидејќи со мал број жртви од трето класна држава станаа движечката сила, додаде тој.
Цветичанин мисли дека она што на една страна изгледа како припрема за војна, од друга страна може да биде најава за нов финансиски поредок во кој доларот и Америка повеќе не ќе ја имаат улогата што тие имале досега.
“Тие изгубија доверба и го повлекоа златото. Не верувам дека златниот стандард ќе се врати, но секој сака своите златни резерви да ги има дома “, вели овој економист.
