Граѓаните на Република Македонија не ги забораваат делата на СДСМ. Оваа партија кога беше на власт остави на улица 200.000 граѓани.
СДСМ остави без егзистенција 200.000 семејства во криминалната приватизација, а додека граѓаните немаа никаков приход, се богатеа тесниот круг на луѓе околу челниците на партијата.
Ова време остави тажни и тешки спомени кај сите работници кои тогаш останаа на улица. Тоа ниту до ден денес не може да се заборави.
Во близина на „Алумина“, денес граѓани направија герила акција во која порачаа да не се заборави како работеше СДСМ. Тие запалија свеќи за сите затворени фабрики чии работници беа жртви на политиките на СДСМ.
Граѓаните нема да заборават и друго “дело“ на СДСМ. Вечно ќе ја помнат најголемата историска лага кажана од екс-лидерот Бранко Црвенковски. За 15-ти септември, политичарот кого го нарекуваат татко на транзицијата, ветуваше и никогаш не оствари: по еден вработен од секое семејство. Партијата која денес е цела деценија во опозиција, ветуваше работа, а оставаше луѓе на улица. Тоа граѓаните нема да го заборават.
