Во амбасадата на Северна Кореја во Русија соопштија детали за лансирањето на балистичката ракета „Хвасонг 12“, на кое присуствуваше и севернокорејскиот лидер Ким Јонг Ун
Во соопштението на Амбасадата се наведува дека забранетата ракета прелетала по зададената траекторија низ воздушниот простор на јапонскиот остров Хокаидо и ја погодила условната мета која се наоѓала во Пацификот.
Во соопштението се наведува дека за време на лансирањето на ракетата „Хвасонг 12“ со „заслепувачки сјај и заглушувачки звук на експлозија се потресе целата планета“.
„Почитуваниот раководител високо го оцени тоа што воените вежби кои имаат големо значење за вооружувањето на нуклеарните сили ја постигнаа својата цел и поминаа успешно“, се наведува во соопштението.
Северна Кореја објави фотографии од последното ракетно тестирање кое беше изведено вчера.