Граничната служба на Белорусија соопшти дека полските војници отвориле оган за да ги спречат мигрантите да ја преминат границата.
„Во текот на ноќта група очајни мигранти решија сами да преминат во Полска. На овој чекор се решија затоа што се во безизлезна ситуација и нема легални начини да аплицираат за заштита во ЕУ. Овој пат полските војници ги пречекаа мигрантите со рафали од автоматско оружје“, се наведува во соопштението објавено на веб-страницата на белоруската гранична служба.
Како што се наведува, за да спречат евентуални провокации, белоруските војници ја презеле контролата на тој дел од територијата.
Се известува и дека полските војници повторно биле сурови кон мигрантите и дека користеле специјални средства за да ги избркаат, како што направија на 23 ноември.
„Двајца мигранти се приближија до полската ограда за да побараат азил. Мажите не употребија никаква агресија. Без разлика на мирниот однос кон мигрантите, полските војници употребија солзавец“, се вели во соопштението.
Се наведува дека еден од нив по употреба на солзавец побарал лекарска помош.
„Како одговор на неговото барање, полските војници се насмеаа. Друг, додека го снимаше видеото, коментираше што се случува и неколку пати ги повика полските војници да престанат да се потсмеваат со нив. А кога им здосадило да слушаат молби за помош, цинично го испрскале човекот кој побарал помош со солзавец со зборовите оди си, се наведува во соопштението.
Белоруската гранична служба соопшти дека ситуацијата на белоруско-полската граница и понатаму е напната.
„Отсуството на реакции од европските политичари и суровоста на полските служби ги принудуваат мигрантите на очајнички потези. Полските војници продолжуваат да користат солзавец против мигрантите“, се вели во соопштението.
„Комитетот на граница на Белорусија, изјави претходно дека, со цел да ги растера бегалци, полски војници се користат експлозивни пакети, кои се пренесуваат преку границата на територијата на Белорусија и солзавец, “, Ова не е првпат Полска да употребува специјални средства на границата против невооружени лица, тие ги употребија и на 16 ноември. Употребата на пакети со експлозив, шок бомби, водени топови и гас од страна на Полска го прекршува меѓународното право и претставува директна агресија врз ранливите групи бегалци.
