Нивото на Охридското езеро е 26 сантиметри над дозволениот максимален водостој. Зголемени се нивоата и на реките низ државата, освен на Црна кај Новаци. Дојранското езеро, пак, е пет саниметри под дозволениот максимум.
За време на викендот, поради зголемениот водостој но и невремето кое го зафати Охридско-струшкиот регион, езерото се излеа и поплави големи делови на крајбрежјето во Охрид и Струга, а беше предизвикана и значителна материјална штета.
Засега, надлежните немаат решение ниту превземаат одговорност, иако граѓаните го повикаа ЕЛЕМ да одговара за негрижата.