Пратеникот од ВМРО-ДПМНЕ Бојан Стојаноски на гостувањето на телевизија 24 рече дека владеачкото мнозинство не смее да се вади на тоа дали опозицијата учествува во работата на Собранието или не и оти одговорноста за рботата на парламентот е кај владеачкото мнозинство.
„Ние нема да прифатиме онлајн седници. А кога станува збор за мнозинството во Собрание ВМРО-ДПМНЕ е тука и ќе даде поддршка за сите клучни закони. Но, фактот е тој дека тие немаат стабилно мнозинтсво“, рече Стојаноски.
Според Стојаноски, Заев игра кукавички, да беше присутен лидерот на ВМРО-ДПМНЕ, Христијан Мицкоски немаше да има ваков исход како што имаше вчера.
„Наративот кој си го даде владеачкото мнозинство е само за да се избега од проблемите со кои се соочуваат граѓаните и државата. Мицкоски е најголемата опасност за Зоран Заев, тој е најголемата ноќна мора за СДСМ. Новото мноизинство има за цел само да им помогне на граѓаните“, рече Стојаноски.
