Имаме чисти случаи на изборен фалсификат, кој се случуваше од 19 часот до 21 часот. Токму во тој момент се прави несфатливата разлика во резултатите. Местењето придонесе ДУИ во Долнени да добие 2 200 гласа, а ние само 200, во Пласница резултатот е 2 000 за нив 100 за нас, што е надвор од умот. Има навистина многу вакви случаи““, вели шефот на изборниот штаб од Алијансата за Албанците, Арбен Таравари, во изјава за новинската агенција ИНА. Тој најави дека Алијанса ќе достави десетици приговори до Државната изборна комисија за гласањето во Долнени, Пласница, Битола и во Кичево.
Со речиси 105 илјади освоени гласови, ДУИ ќе има 15 пратеници во Собранието, а блиску до неа е Алијансата на Албанците со 12 пратеници.
Бројит на мандатите по изборите е 32, дури за 12 повеќе споредено со парламентарните избори 2016-та.
Според него, доколку денеска се направи попис, ќе излезе дека има повеќе гласачи на ДУИ отколку луѓе што живеат во одредени места.
„Разликата е толкава што се коси со здравиот разум. Или на одредени избирачки места во Битола, каде што има многу малку или воопшто нема гласачи Албанци, а ДУИ има стотици гласови. ‘Силувањето’ на гласовите е практика која ДУИ ја повторува во секој изборен циклус. Тоа е знак за тоа колку сме далеку од демократија“, оценува Арбен Таравари.
