Украинската армија ги гранатираше предградијата на Доњецк, изјави претставникот на самопрогласената Народна Република Донецк во Заедничкиот центар за контрола и координација на режимот на прекин на огнот.
Тој рече дека во гранатирањето се оштетени шест куќи и далекувод во Старомихајловска, пренесува РИА Новости. Според првичните податоци, никој не е повреден.
Доњецката и Луганската народна република прогласија независност по пучот во Украина во февруари 2014 година. Во 2014 година, украинските власти започнаа воена операција против Доњецк и Луганск, бидејќи не ги признаваат и сметаат дека тие територии се окупирани.
Конфликтот во Донбас е регулиран со договорите од Минск од 2015 година, според кои страните се обврзаа да го запрат гранатирањето и да го повлечат тешкото оружје од линијата за раздвојување.
Договорите од Минск предвидуваат и уставни реформи во Украина, чии клучни елементи треба да бидат децентрализацијата и усвојување на закон за посебен статус на одредени делови на регионите Доњецк и Луганск, пренесува Танјуг.
