Тешка сообраќајна незгода се случила вечерва околу 22.00 часот во Штип, во близина на фабриката „Македонка“.
Причина за незгодата, неофицијално е непрегледноста на патниот правец кај клучката која се наоѓа во близина на населбата Балканска во Штип.
Два автомобили, Волксваген Голф и Тојота РАВ се тешко оштетени во сообраќајката.
За среќа нема жртви, но сопатничката во џипот се здобила со полесни телесни повреди, исто како и возачот на голфот.
Жителите кои притрчале на помош, за Инфомакс коментираат дека на овој дел од патниот правец се случуваат голем број на сообраќајки, но дека надлежните не превземаат ништо да го санираат овој проблем. Како причина за големиот број сообраќајки на ова место ја посочуваат лошата видливост поради несредената вегетација која го обраснува патот.
