52-годишната Џенифер Анистон важи за една од најсексапилните актерки во Холивуд, а својот сексапил сега одлучила да го искористи за добротворни цели. Џен се здружила со својот долгогодишен пријател, фотографот Марк Селиџер за продажба на фотографија на добротворна аукција, која предизвика воодушевување кај нејзините обожаватели.
Станува збор за нејзин црно-бел портрет од 1995 година, а Анистон на истиот позира целосно гола, но со доза на елеганција и префинетост и не ги открила интимните подрачја.
Веста за аукцијата ја објавила на својот Инстаграм профил.
“Мојот драг пријател Марк Селиџер одлучи да даде на аукција 25 портрети кои ги направил, вклучувајќи го и мојот. Целиот износ од продажбата ќе биде дониран на клиниката “NAF”, организација која се бори против коронавирусот. Му благодарам на Марк што овозможи да бидам дел од ова”, напишала Џенифер во објавата.
https://www.instagram.com/p/CA0Rm5eD4m8/?utm_source=ig_web_copy_link
Покрај нејзиниот портрет, во склоп на оваа добротворна аукција се продадени и портрети на Леонардо ди Каприо, Били Ајлиш, Др. Дре и Снуп Дог и многу други.
