Повеќето од присутните на шеталиштето во Охрид, кој денеска изгледа како да е сред туристичка сезона, се гледа дека не ги почитуваат владините препораки и мерки за заштита од коронавирусот.
Според фотографиите кои се појавија на социјалните мрежи и дел од порталите Охридската чаршија денеска е преполна со посетители од другите градови, кои вчера избегаа од другите градови каде е прогласен карантин до понеделник наутро.
Локалниот портал „Охрид 1“ пишува дека дистанца меѓу нив има, но очигледно е дека наплив на домашни туристи има и гужвите во кафитериите.
По најавениот полициски час од страна на Владата кој за Скопје започна од синоќа, повеќе од 20 илјади возила го напуштија главниот град, а според фотографиите од патарините, голем дел од нив завршија во Охрид и Охридско.