Првата комерцијална 5G мрежа во Хрватска штотуку беше лансирана во Загреб и во уште пет други градови: Сплит, Осиек, Риека, Самобор и Света Ндела, со што се донесе новата мрежна технологија во земјата.
Мрежата се заснова на технологија за динамичко споделување на спектар (DSS), чијашто примена овозможува користење на 5G сигнали на постојните фреквенции.
DSS технологијата овозможува брза имплементација на 5G мрежата и ја намалува потребата за нови базни станици на специфични 5G фреквенции, пишува Bug.
Ова е, во исто време, објаснување за тоа како е лансирана комерцијална 5G мрежа во Хрватска, и покрај фактот дека државата сè уште не доделила концесии за нов фреквентен спектар на кој ќе биде целосно развиена примената на 5G технологијата.
Во иднина, 5G мрежата треба да овозможи поврзување и автоматизација на голем број сензори, индустриски уреди, автономни возила, беспилотни летала и понатамошен развој на телемедицина, објави Хрватски телеком.
