Шест деца загинаа како резултат на сообраќајна несреќа во рускиот регион Ставропол во која учествуваа три возила, вклучително и автобус, додека 18 лица беа повредени, изјави за ТАСС извор од службите за итни случаи.
„Според ажурираните податоци, 18 лица беа повредени, додека шест починаа“, рече изворот.
Според прелиминарните информации на Рускиот државен инспекторат за безбедност во сообраќајот, три возила, вклучувајќи камион и автобус, се судриле денес на автопатот Астрахан-Ставропол во јужна Русија. Сите шест жртви се деца. Меѓу повредените има најмалку осум малолетници, кои сите се пренесени во болница.
Регионалната дирекција на Рускиот државен инспекторат за безбедност во сообраќајот за ТАСС изјави дека, според прелиминарните информации, камион се превртел додека маневрирал удрил во комбе со деца кои патувале од Волгоград во Черкеск.