На 21вата седница на Советот на Град Скопје, на предлог на градоначалникот на Скопје, Петре Шилегов беше приложена точка за предлог одлука за одбележување на значајни настани и спомен-обележја на истакнати лилност во и на градот Скопје.
Суштината на предлогот беше проширена со поставување на спомен биста на Кемал Сејфула на територија на општина Чаир, поточно на крстосницата кај Поликлиниката и средното економско училипте „Арсениј Јовков“.
Потребата од подигање на спомен обележје на КЕМАЛ СЕЈФУЛА произлегува од фактот дека е во прашање градоначалник на Град Скопје, истакната личност од НОБ и поствоената историја на Македонија, порди што неговото име носи улица на територијата на општина Чаир.
Кемал Сејфула е носител на Партизанска споменица 1941 година. Во 1945 година бил судија во Врховниот суд на Македонија. Во Владата на Македонија од 1951 година е Министер за локални работи и локална индустрија, член е и на следната Влада( Извршен Совет) од Февруари 1953 година. Во периодот 1951-1954 година бил и градоначалник на Скопје. Како поранешен чибукчија бил и претседател на Занаетчиската комора на НР Македонија.
На овој предлог советницити од ДУИ, БЕСА и Алијанса на Албанците, жестоко се спротиставија и истакнаа дека ликот и делото на Кемал Сејфула никогаш не бил благонаклонет кон Албанците и претставува навреда и лик кој е олицетворение на Анти-албанската иницијатива за време на комунизмот.
Дискутабилни се намерите и делата како и активностите кои Сејфула ги превземал врз албанците, на што реагираа претставниците од Турската заедница.
За да се избегне поголем инцидент, точката беше повлечена од дневниот ред.