Стевче Јакимовски во своето гостување во емисијата „Само Вистина“ зборуваше за пандемијата во државата каде посочи дека смешно е тоа што сега целата одговорност да се префрла на Наќе Чулев е затоа што мерките беа попуштени од страна на Владата и Комисијата за заразни болести.
-Главниот проблем сега е Наќе Чулев, не овие што ја промашија цела стратегија. Како додека се фалеа дека успешно се справуваме со корона вирусот, кога Филипче беше херој, Наќе Чулев тогаш немаше проблем. Сега кога ги создадоа проблемите, кога ги отпуштија мерките, Наќе Чулев ги отпушти мерките или Владата ја донесе таа одлука? Наќе Чулев излезе да каже дека ги знаат кластерите, дека ова не е проблем, дека ние сме се справиле или Караџовски излезе? Се било токму во владата ама проблем бил Наќе Чулев? Навистина е смешно на таа страна да се префрла одговорноста, посочи Јакимовски.
