АЛБАНСКАТА ОПОЗИЦИЈА ЌЕ ГО РУШИ ЕДИ РАМА: Закажани пpoтести пpoтив власта на 16ти февруари!

  • January 25, 2019

По одлуката на здружената опозиција за масовен антивладин протест на 16 февруари, лидерката на Социјалистичкото движење за интеграција, Моника Круемади, ги повика абанските граѓани да се придружат на протестите, затоа што, како што рече „национална мисија е заминувањето на премиерот Еди Рама“.

-Заминувањето на овој човек е национална мисија, бидејќи секој ден се повеќе и повеќе овој човек не само што ја ограбува Албанија, не само што ги ограбува сиромашните, не само што ја уништува Албанија, туку овој човек се повеќе го уништува своето семејство, своите луѓе, бидејќи тој не сфаќа дека тргнал по патот од кој нема враќање. Кога криминалот ќе ти удри во глава, повеќе нема да те пушти. Затоа, Еди Рама треба да замине за да ја спаси Албанија и Албанците еден час порано,- изјави Круемади.

Сега, посочи таа, имаме еден датум а тоа е 16 февруари, ден кој го означува почетокот на протестите на опозицијата.

-Но, за волја на вистината, протестот на Албанците дури и не започнува и не завршува на 16-ти февруари. Протестот на Албанците започна со протест на жителите чии домови власта сака да ги урне заради изградбата на новата голема обиколнца во Тирана, кои ја открија шемата како владата ги краде Албанците. Имаме студентски протести веќе педесеттина дена кои отворено и без каква била организација, се солидаризираа едни со други против грабежот, девалвацијата и незантересираноста на оваа влада, која секогаш беше незантересирана за своите граѓани, обвини Круемади.

Правејќи споредба со масовните протести во 90-те годни од минатиот век таа рече дека има мала разлика.Тогаш,рече, урнавме една биста(на Енвер Хоџа во Тирана) и еден систем, а сега во 2019 година „ќе урнеме една клика, многу повеќе инкриминиран и далеку полош систем од оној што го поминавме“.

Претходно «
Следно »