October 24, 2021, 6:58 am

Антивakcерите во Грција бараат ekcхумација и обдykција на жpтвите од koвид

Поврзано

- Advertisement -
- Advertisement -

Антиваксерите во Грција бараат ексхумација со цел да се утврди дали корона е причината за смртта на нивните роднини или пријатели. Група адвокати кои работат на овие случаи веќе успеаја да ги добијат првите пресуди со кои се дозволува оваа постапка пред првостепениот суд и тоа започна лавина од нови барања за ексхумација.

На чело на новото движење се антиваксери кои ги повикуваат своите сонародници да, како што велат, се спротивстават на лагите и манипулациите и и докажат на јавноста дека заклучоците за причините за смртта се лажни, дека нема корона или дека не било одлучувачко.

„Целата ситуација, да го наречеме феномен на ексхумација, ги врзува рацете на лекарите кои работат во тешки услови и временски ограничувања за време на пандемија. Несомнено, ова е организирана акција против вакцина. Луѓето кои не ги прифаќаат научните податоци за пандемијата бараат официјална документација на лекарот, вршат притисок и има се повеќе такви барања секој ден. Меѓутоа, за ексхумацијата мора да одлучи судот“, вели Џорџ Леон, претседателот на грчкото здружение за судска медицина.

Во изјава за „Иефемерида“, тој објаснува дека група адвокати во последно време практично го рекламираат поднесувањето барања, бидејќи, како што велат, издавањето потврда за причината за смртта дава можност за понатамошни правни дејствија.

Latest News

Обама до Меркел: „Целиот свет ви должи голема благодарност“

Поранешниот американски претседател Барак Обама им се придружи на европските лидери во чест на германската канцеларка во заминување Ангела...

More Articles Like This