(Видео)БЛАГОДАТНИОТ ОГАН ПРИСТИГНА ВО МАКЕДОНИЈА: Предмалку директно од Исусовиот гроб во Македонија пристигна благодатниот оган!

  • April 7, 2018

Бугарскиот митрополит Антониј на аеродромот во Софија му го предаде Благодатниот ерусалимски оган на македонскиот митрополит Иларион, по што огнот вечерва пристигна во Македонија, а ќе биде разнесен до сите храмови во пресрет на Христовото Воскресение.

Светиот оган во Македонија досега стигнувал од Солун, благодарение на духовници од Бигорски манастир и нивни лични пријателства со претставници од Грчката црква. Тој пристигнувал во манастирот околу полноќ, кога треба да започне пасхалната богослужба, а пoтoa оттаму бил разнесуван низ целата земја.

„Точно десет години, откако по иницијатива и заложби на Свештената бигорска обител за прв пат Благодатниот ерусалимски оган беше донесен на Света Пасха од Грција во Македонија, годинава тој ќе пристигне во нашата земја преку Бугарија. Овој пат неговото пристигнување ќе биде организирано на официјално ниво меѓу двете цркви – МПЦ-ОА и БПЦ. Благодатниот оган на аеродромот во Софија ќе му биде предаден на Митрополитот од МПЦ-ОА, Иларион Брегалнички, којшто ќе биде испратен со благослов од Архиепископот Охридски и Македонски г. г. Стефан. Веднаш потоа Митрополитот Иларион со хеликоптер ќе замине за Скопје, од каде што огнот ќе биде разнесен во православните храмови ширум Македонија“, велат од Бигорски манастир.

ЕКСКЛУЗИВНО! Благодатниот оган пристигна на Скопскиот аеродром!

ЕКСКЛУЗИВНО! Благодатниот оган пристигна на Скопскиот аеродром!

Posted by infomax.mk on Saturday, 7 April 2018

Репортер
Борислав Стоилковиќ

Претходно «
Следно »